काठमाडौं । नेपालमा जारी तेस्रो संस्करणको साफ यू–१८ च्याम्पियनसिप फुटबलको पाचौं दिन आज (मंगलबार) भुटान र माल्दिभ्सबीच प्रतिस्पर्धा हुँदैछ । हलचोकस्थित शसस्त्र प्रहरी बल एपीएफको मैदानमा हुने भुटान र माल्दिभ्सबीचको खेल दिउँसो ३ बजे सुरु हुनेछ । र, भुटान र माल्दिभ्सबीचको खेल भने केहि रोमाञ्चक हुनेछ ।
भुटान माल्दिभ्सलाई हराउँदै समूह विजेता बन्दै सेमिफाइनल पुग्न चाहन्छ । यस्तै माल्दिभ्स पनि भुटानलाई हराउँदै सेमिफाइनलको यात्रा तय गर्न चाहन्छ । तर भुटान यस अघिनै सेमिफाइनल पुगिसकेको छ र अब माल्दिभ्स र नेपाल मध्ये एक टिम मात्र सेमिफाइनलमा पुग्नेछन् ।
समूह ‘ए’ मा रहेको भुटान र माल्दिभ्सबीचको खेल नेपालका लागि सबैभन्दा बढी महत्वपूर्ण रहेको छ । यस खेलले नेपालको सेमिफानलको खेललाई पक्का गर्नेछ । प्रतियोगिताको उद्घाटन खेलमा माल्दिभ्ससँग १–१ गोलको बराबरी खेलेको नेपाल दोस्रो खेलमा भुटानसँग ३–० गोलले पराजित भईसकेको छ ।
