काठमाडौँ । पशु सेवा विभागले स्वच्छ मासुबारे जनचेतना जगाउन जारी गरेको पोस्टरमा गाईको तस्वीर परेपछि विभागले माफी मागेको छ।
‘बधसालदेखि भान्सासम्म स्वच्छ र स्वस्थ्य मासु’ शीर्षकमा विभागले छापेको ब्यानरमा गाईंको समेत तस्वीर राखिएपछि सामाजिक सञ्जालमा आलोचना सुरु भएको थियो ।
सार्वजनिक रुपमा टिप्पणी हुने वित्तिकै विभागका महानिर्देशक डा वंशीराज शर्माले विज्ञप्ति जारी गर्दै छपाइको क्रममा भुलवस गाईंको फोटो पर्न गएको प्रष्टिकरण दिएका छन्।
बा २ झ ३८११ नम्बरको मोबाइल भ्यानमा पशुपन्छीजन्य उत्पादनहरु दूध, मासु, अण्डा, आदिएको उत्पादन प्रशोधन तथा उपभोगलाई गुणस्तरीय बनाउने हेतुले प्रचार प्रसारका लागि राखिएको पोष्टहरुमध्ये एउटामा पोष्टरमा छपाईको त्रुटीका कारणलेले गाईको तस्वीर भुलवस अन्यत्र पर्न गएकोमा सर्वसाधरण लगायत सम्पूर्ण सरोकारवालाहरुले उठाउनुभएको गुनासोप्रति यस विभागको गम्भीर ध्यानाकर्षण भएको ‘ विज्ञप्तिमा जनाएको छ ।
साथै ‘हाल उक्त त्रुटीलाई सच्याइ सकिएको व्यहोरा सम्बन्धित सबैलाई जानकारी गराउँदै प्राविधिक कारणले हुन गएको त्रुटीप्रति पशु सेवा विभाग हार्दिक क्षम याचना गर्दछ।’ महानिर्देशक शर्माले जारी गरेको विज्ञप्तिमा भनिएको छ ।
