इटालियन सिरी ‘ए’ फुटबलमा इन्टर मिलानले अपराजित यात्रा कायम राखेको छ । बुधबार राति भएको खेलमा लाजियोलाई १–० गोल अन्तरले पराजित गर्दै इन्टरले अपराजित यात्रा कायम राखेको हो । डानिलो डी’ आम्ब्रोसिओले खेलको २३ औं मिनेटमा इन्टरको जितमा निर्णयक गोल गरेका थिए ।
इन्टरले अहिले सम्मको पाँच खेलमा ५ जित नै निकालेको छ । र, इन्टर १५ अंक जोडेर शीर्ष स्थानमा उक्लिएको छ । इन्टर दोस्रो स्थानको युभेन्ट्स भन्दा २ अंकले अघि रहेको छ । यता लाजियो ७ अंक जोडेर आठौं स्थानमा कायम छ ।
सिरी ‘ए’ कै अर्को खेलमा एटलान्टाले २–० गोल अन्तरले रोमालाई हराएको छ । त्यसैगरी काग्लियारीसँग नापोली पनि १–० गोल अन्तरले पराजित भएको छ ।
