काठमाडौं । २१३औँ भानु जयन्तीको अवसरमा भानु प्रतिष्ठानद्वारा आयोजित श्रद्धाञ्जली सभामा सम्माननीय सभामुख डोलप्रसाद (डीपी) अर्याल सहभागी हुनुभएको छ।
कार्यक्रममा आदिकवि भानुभक्त आचार्यप्रति श्रद्धासुमन अर्पण गर्दै सभामुख अर्यालले भानुभक्तको योगदानले नेपाली भाषा, साहित्य तथा राष्ट्रिय एकतालाई सुदृढ बनाउन महत्वपूर्ण भूमिका खेलेको बताउनुभयो।
उहाँले आदिकविको कृतित्व र विचारले नेपाली समाजलाई आज पनि प्रेरणा प्रदान गरिरहेको उल्लेख गर्नुभयो।
श्रद्धाञ्जली सभामा साहित्यकार, बुद्धिजीवी तथा विभिन्न क्षेत्रका व्यक्तित्वहरूको उपस्थिति रहेको थियो।
