युएईएफए च्याम्पियन्स लिग फुटबल अन्तर्गत समूह चरणको दोस्रो खेलमा स्पेनिस क्लब बार्सिलोनाले सहज जित निकालेको छ । बुधबार राति भएको खेलमा बार्सिलोनाले इटालियन क्लब इन्टर मिलानलाई २–१ गोल अन्तरले हराएको हो ।
घरेलु मैदानमा सुरुवाती अग्रता उल्टाएर बार्सिलोनाले जित निकालेको हो । बार्सिलोनाको जितमा दुवै गोल लुइस स्वारेजले गर्दै खेलका नायक बनेका हुन् । इन्टरलाई सुरुवाती अग्रता लाउटारो मार्टिनेजले खेलको तेस्रो मिनेटमा गोल गर्दै दिलाएका थिए । तर, दोस्रो हाफमा भने स्वारेजले आफ्नो पकड जमाए ।
खेलको ५८ औं मिनेटमा स्वारेजले गोल गर्दै बार्सिलोनालाई खेलमा फर्काएका थिए । त्यसपछि खेलको ८४ औं मिनेटमा स्वारेजले व्यक्तिगत दोस्रो गोल गर्दै बार्सिलोनालाई २–१ गोलको विजयी प्राप्ती गरायो । बार्सिलोनाको यो पहिलो जित हो । जितसँगै समूह ुएफु को बार्सिलोनाले २ खेलमा ४ अंक जोडेको छ । बार्सिलोना तालिकाको दोस्रो स्थानमा बस्न सफल रहेको छ ।
पहिलो बोरुसिया डर्टमण्ड विरुद्दको खेलमा बार्सिलोनाले गोलरहित बराबरी खेलेको थियो । यता इन्टर भने १ अंक जोड्दै तेस्रो स्थानमा रहेको छ । यस समूहमा ४ अंक जोडेको डर्टमण्ड शीर्ष स्थानमा रहेको छ ।
