काठमाडाैँ । धनगढीबाट बैतडीतर्फ जाँदै गरेको एक यात्रुवाहक बस शुक्रबार दिउँसो दुर्घटनामा परेको छ।
सुदूरपश्चिम प्रदेश ०१००१ ख ३९६३ नम्बरको बस बैतडीको पाटन नगरपालिका–८ गैराखान क्षेत्रमा सडकबाट करिब ६० मिटर तल खसेर दुर्घटनामा परेको प्रत्यक्षदर्शीले बताएका छन्।
दुर्घटनापछि स्थानीयवासी तथा सुरक्षाकर्मी उद्धार कार्यमा जुटेका छन्। दुर्घटनामा मानवीय तथा भौतिक क्षतिको यकिन विवरण भने हालसम्म प्राप्त हुन सकेको छैन।
घटनाबारे थप विवरण संकलन भइरहेको प्रहरीले जनाएको छ।
