काठमाडौँ। विशेष अदालतले नेकपा (एमाले)का उपाध्यक्ष तथा पूर्वअर्थमन्त्री विष्णु पौडेललाई हिरासतमा राखेर अनुसन्धान गर्न ७ दिनको अनुमति दिएको छ ।
विशेष अदालतका सदस्यहरू नारायणप्रसाद पौडेल, हेमन्त रावल र उमेश कोइरालाको इजलासले सोमबारदेखि लागू हुने गरी पौडेललाई सात दिन हिरासतमा राख्न अनुमति दिएको हो।
सम्पत्ति शुद्धीकरण अनुसन्धान विभागले पौडेललाई नियन्त्रणमा लिएपछि जरूरी पक्राउ पुर्जी स्वीकृतिका साथै अनुसन्धानका लागि म्याद थप गर्न अदालतसमक्ष अनुरोध गरेको थियो।
सोही अनुरोधका आधारमा विशेष अदालतले जरूरी पक्राउ पुर्जी स्वीकृत गर्दै आज पहिलो पटक ७ दिनको म्याद थप गरेको हो।
