काठमाडौँ । सडक, पुल, खानेपानी लगायतका पूर्वाधारसम्बन्धी समस्या तथा गुनासोहरू प्रभावकारी रूपमा सुनुवाइ गर्न पूर्वाधार विकास मन्त्रालयले ‘हेल्लो पूर्वाधार’ सेवा सञ्चालनमा ल्याएको छ।
मन्त्रालयका अनुसार नागरिकले अब पूर्वाधारसम्बन्धी आफ्ना गुनासोहरू ११२० टोल–फ्री नम्बरमा फोन गरेर कार्यालय समयमा सेवा लिन सक्नेछन् भने अन्य समयका गुनासोहरू २४ सै घण्टा दर्ता गराउन सकिने व्यवस्था गरिएको छ।
मन्त्रालयले नागरिकका समस्या छिटो समाधान गर्ने उद्देश्यले सेवा विस्तार गरिएको जनाएको छ।
“तपाईंको सरकार, तपाईंकै सेवामा” भन्ने नारासहित सेवा सञ्चालनमा ल्याइएको हो।
