काठमाडाैँ । अर्थमन्त्री डा. स्वर्णिम वाग्लेले नेपाललाई वैदेशिक ऋण लिनु बाध्यता भएको बताउनुभएको छ ।
शुक्रवार प्रतिनिधि सभा बैठकमा सांसदहरुले राष्ट्र ऋण उठाउने विधेयक, २०८३ माथिको छलफलमा उठेका प्रश्नको जवाफ दिने क्रममा उहाँले यस्तो स्पष्टिकरण दिनु भएको हो ।
अर्थमन्त्री वाग्लेले नेपालले तिर्दै जाने गरी लगानी गरेकाले ऋण लिने कुराले जहाजनै डुब्छ भने जसरी विरोध गर्न आवश्यक नभएको पनि जिकिर पनि गर्नु भयो । उहाँले उत्पादनमूलक क्षेत्रमा लगानी गरेकाले लिइएको ऋणबाट नआत्तिन पनि सांसदहरुलाई आग्रह गर्नुभयो ।
मन्त्री वाग्लेले भन्नुभयो,‘ऋण लिँदैमा जहाजनै डुब्ने, आकाश नै खस्ने होइन । माननीयजीहरुबाट नै आईसक्यो । ऋण लिनु खराव होइन, ऋण लिनुपर्दछ । हाम्रो त बाध्यात्मक अवस्था नै छ । कहाँ सदुपयोग गरियो ? त्यो उल्लेख्य हो । त्यसमा माननीयजीहरुले ठूलो निगरानी गर्नुपर्ने हुन्छ । र, आजको दिनमा पनि रातो किताव हेर्नुभयो भने माननीयजीहरुले देख्नु हुन्छ–बढि सडक पूर्वाधार, ट्रान्टमिभशन लाईन, यस्तैयस्तैमा हो हाम्रो ऋणको लगानी । र, त्यो ऋणको सौन्दर्य के हो भने त्यौ आफै तिरिदै जाने लगानी हो । त्यसले आर्थिक वृद्धि सृजना गर्छ । त्यसले आम्दानी सृजना गर्दछ । ऋण लिएर घिउ खानाको पो भएनत । उत्पादनमूलक गतिविधिमा लगानी गर्नु हुन्छ । र, त्यो इतिहास जारी रहेको हाम्रो झन्डै झन्डै ६५ वर्ष भयो । अर्थतन्त्रको आधार र सामथ्र्य बढ्दै गयो भने वैदेशिक ऋण पनि नट ब्याड ।’
अर्थमन्त्री वाग्लेले सरकारले भ्रष्टाचार नियन्त्रण गरेर लक्ष्य अनुसार राजस्व संकलन गर्नसक्ने दावी समेत गर्नुभयो ।
