काठमाडौँ । गृहमन्त्री सुधन गुरुङले मनसुनजन्य विपद् व्यवस्थापनलाई सरकारले उच्च प्राथमिकतामा राखेर तयारी गरिरहेको बताएका छन्।
मनसुन पूर्वतयारी तथा प्रतिकार्यसम्बन्धी बैठकपछि सञ्चारकर्मीहरूसँग कुरा गर्दै उनले बाढी, पहिरो लगायतका विपद्का बेला नागरिकको सुरक्षाका लागि हेलिकप्टरसहित सबै स्रोत–साधन परिचालन गरिने जानकारी दिए।
उनले भने, विपद् व्यवस्थापनका लागि अघिल्ला सरकारले गरेका सकारात्मक कामलाई निरन्तरता दिँदै कमजोरी सुधार गरेर अघि बढ्ने नीति लिएको उहाँको भनाई छ । मनसुनका बेला पूर्व–पश्चिम राजमार्ग लगायत निर्माणाधीन सडक खण्डहरूमा बाढी र पहिरोका कारण यातायात अवरुद्ध हुन सक्ने जोखिमलाई मध्यनजर गर्दै गृह मन्त्रालयले भौतिक पूर्वाधार तथा यातायात मन्त्रालयसँग समन्वय गरिरहेको उहाँले जानकारी दिनुभयो ।
उनले सडक अवरोध हटाउन डोजर तथा उपकरणको अवस्थाबारे तत्काल जानकारी दिने विशेष डिजिटल प्रणाली (एप) विकास गरिएको बताउँदै यसले विपद्का बेला छिटो प्रतिक्रिया दिन सहयोग पुग्ने उल्लेख गरे।
गृहमन्त्री गुरुङले सुरक्षा निकायलाई परिचालन गरिसकिएको र नागरिकको सुरक्षा, उद्धार तथा प्रभावकारी सेवा प्रवाहलाई केन्द्रमा राखेर काम भइरहेको बताए। साथै, अघिल्ला सरकारका सकारात्मक कामलाई निरन्तरता दिँदै कमजोरी सुधार गरेर अघि बढ्ने नीति लिइएको पनि उनले स्पष्ट पारे।
