काठमाडौं ।सत्तारुढ गठबन्धन दलहरुले संयुक्त राज्य अमेरिकी सहयोग मिलेनियम च्यालेन्ज कर्पोरेसन (एमसीसी) बारे अन्य दलसँग छलफल गर्न र टुङ्गोमा पुग्न बनाएको तीन सदस्यीय कार्यदलले प्रारम्भिक छलफल सुरु गरेको छ ।
यो पनि पढ्नुहोस्- एमसीसीबारे अध्ययन गर्न गठित खनाल संयोजक रहेको कार्यदलको बैठक जारी
कार्यदलका संयोजक एवं नेकपा (एकीकृत समाजवादी)का वरिष्ठ नेता झलनाथ खनालको निबास डल्लुमा बसेको बैठकमा कार्यदलका सदस्यहरु सञ्चार तथा सूचना प्रविधिमन्त्री ज्ञानेन्द्रबहादुर कार्की र नेकपा (माओवादी केन्द्र)का उपाध्यक्ष नारायणकाजी श्रेष्ठ सहभागी हुनुहुन्थो । प्रारम्भिक छलफल सकारात्मक रहेको कार्य दलका सदस्य समेत रहेनु भएका सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी जानकारी दिनुभयो ।
उहाँले भन्नुभयो ‘एमसीसीबारे एकै किसिमको धारणा बनोस् भनेर हामीले छलफल प्रारम्भ गरेका छौं । र आज प्रारम्भिक छलफल भएको छ । छलफल सकारात्मक भएको छ । र केही दिन पछि हामी छलफल गरेर एउटा निष्कर्षमा पुग्छौँ । र त्यो तपाईंहरुमार्फत् सम्पूर्ण देशबासी दाजुभाई तथा दिदीबहिनीहरूमा सुसूचित गर्छौँ । यसमा धेरै छलफल भइसकेको छ । अब यसलाई कसरी एउटा निष्कर्षमा पुर्याउने, त्यो बाटोमा जाने दिशामा हामी अग्रसर हुनुपर्छ ।’
सत्तारुढ पाँच दलले पुस ४ गते एमसीसीबारे समान धारणा तय गर्न समिति गठन गरेको थियो ।
