काठमाडौँ । एक घण्टा ढिला गरी सुरु भएको राष्ट्रियसभाको बैठक २० मिनेटका लागि स्थगित भएको छ । शुक्रबार दुवै सदनको संयुक्त बैठकमा आगामी आर्थिक वर्षको बजेट पेस भएपछि आज संसद् बैठक बसेको हो ।
आजको राष्ट्रियसभा बैठकमा प्रधानमन्त्री तथा गृहमन्त्री वलेन्द्र शाहले प्रतिनिधिसभाबाट सन्देशसहित प्राप्त ‘प्रतिनिधिसभा सदस्य निर्वाचन (पहिलो संशोधन) विधेयक, २०८३’ माथिको दफावार छलफल सदनमा गरियोस् भन्ने प्रस्ताव प्रस्तुत गर्ने कार्यसूची रहेको छ । त्यस्तै उक्त विधेयकलाई पारित गरियोस् भन्ने प्रस्तावसमेत प्रस्तुत गर्ने कार्यतालिका तय गरिएको छ ।
यसैगरी, प्रधानमन्त्री शाहले प्रतिनिधिसभाबाट सन्देशसहित प्राप्त ‘मतदाता नामावली (पहिलो संशोधन) विधेयक, २०८३’ माथिको दफावार छलफल सदनमा गरियोस् भन्ने प्रस्ताव पनि प्रस्तुत गर्ने कार्यसूची छ । साथै उक्त विधेयकलाई पारित गरियोस् भन्ने प्रस्ताव समेत आजको बैठकको कार्यसूचीमा रहेको छ ।
