काठमाडौंः हिमालयन डिष्टिलरीले गत आर्थिक वर्ष २०७७÷७८ को मुनाफाबाट शेयरधनीहरुलाई शतप्रतिशत लाभांश वितरण गर्ने घोषणा गरेको छ।
कम्पनीले हाल कायम चुक्ता पूँजीको ७५ प्रतिशत बोनस शेयर र २५ प्रतिशत नगद लाभांश दिनेछ । सो लाभांश प्रस्ताव पारित गर्न कम्पनीले पुस २८ गते, बुधबार साधारण सभा बोलाएको छ ।
यसका साथै ब्लु ओक नामक ट्रेडमार्क प्रयोग गरी अन्य उद्योगबाट समेत उत्पादन तथा बिक्री वितरण गर्ने सम्झौता स्वीकृत गर्ने, कम्पनीको चुक्ता पूँजी वृद्धि भएअनुसार प्रबन्धपत्र तथा नियमावली संशोधन गर्ने लगायतका प्रस्तावहरु पारित गर्नेछ।
कम्पनीले पुस १६ गते एक दिनका लागि बुक क्लोज गर्ने जनाएको छ । यस अनुसार पुस १५ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउनका साथै कम्पनीले वितरण गर्ने लाभांश प्राप्त गर्न सक्नेछन्।
हिमालयन डिष्टिलरीको पछिल्लो पटक बिहीबार प्रतिकित्ता शेयर रु. ६,९५५ मा कारोबार भइरहेको छ ।
