काठमाडौं । नेपाल आयल निगम लिमिटेडका कार्यकारी निर्देशक डा. चण्डिकाप्रसाद भट्टले पदबाट राजीनामा दिएका छन्। उद्योग, वाणिज्य तथा आपूर्ति मन्त्रालयका प्रवक्ता तथा सहसचिव नेत्र सुवेदीका अनुसार भट्टले आज आफ्नो पदबाट औपचारिक रूपमा राजीनामा बुझाएका हुन्।
मन्त्रालयका प्रवक्ता सुवेदीका अनुसार भट्टको राजीनामा हाल सनाखत प्रक्रियामा रहेको छ। आवश्यक प्रशासनिक प्रक्रिया पूरा भएपछि मात्रै राजीनामाबारे औपचारिक निर्णय हुने जनाइएको छ।
भट्टलाई एक हप्ताअघि उद्योगमन्त्री गौरीकुमारी यादवले राजीनामा दिएर सरकारलाई सहयोग गर्न निर्देशन दिएकी थिइन्। राजीनामा नदिए बर्खास्त गरेर हटाउने प्रकृया सुरु भएकोबारे पनि मन्त्री यादवले कार्यकारी निर्देशक भट्टलाई जानकारी गराएकी थिइन्।
सरकारले यसअघिका सबै राजनीतिक नियुक्ति खारेज गर्ने निर्णय गरेको थियो ।
