काठमाडौंः फरवार्ड माइक्रोफाइनान्सले अघिल्लो आर्थिक वर्षको नाफाबाट सर्वसाधारणलाई वितरण गर्ने घोषणा गरिएको कुल ४२ प्रतिशत लाभांश प्रस्ताव पारित गर्न आगामी पुस ३० गते वार्षिक साधारण सभा गर्ने भएको छ ।
फरवार्डले ३५ प्रतिशत बोनस सेयर र ७ प्रतिशत नगद लाभांश वितरण गर्ने प्रस्ताव गरेको छ । यस्तै, कम्पनीको जारी तथा पुँजी वृद्धि गरी प्रबन्धपत्र तथा नियमावली संशोधन गर्ने प्रस्ताव पनि छ ।
कुनै लघुवित्तसँग मर्जर वा एक्विजिसन गर्नु परेमा सम्पूर्ण कामको अख्तियारी सञ्चालक समितिलाई दिइने प्रस्ताव साधारण सभामा लैजाने कम्पनीले जनाएको छ । सभा प्रयोजनका लागि पुस १६ गतेदेखि बुक क्लोज हुँदैछ ।
सिद्धार्थ बैंकको एजिएम पुस ३० मा, लाभांश पारित मुख्य कार्यसूची
यसैगरी, सिद्धार्थ बैंकको वार्षिक साधारण सभा पुस ३० गते बस्ने भएको छ । सभामा बैंकले १४.२५ प्रतिशत बोनस सेयर र कर तिर्न ०.७५ प्रतिशत नगद गरी कुल १५ प्रतिशत लाभांश वितरण गर्ने एजेन्डा पेश गर्नेछ ।
साथै, सभामा प्रबन्धपत्र र नियमावली संशोधन गर्ने गरी प्रस्ताव प्रस्तुत हुनेछ । बैंकले पुस १८ गते एकदिन बुक क्लोज गर्नेछ ।
