विराटनगर । विराटनगरका स्थानियले मेयर भीम पराजुलीको पोटो सडकको पोलमा टाँगेका छन्। महानगरपालिकाले सडक निर्माणमा चासो नदेखाएको भन्दै विराटनगर–६ का स्थानीयले मेयर पराजुलीको फोटो सडकमा टासेका हुन् ।
कोसी राजमार्गबाट शिवमन्दिर चोक हुँदै पश्चिमतर्फ जाने बाटो निर्माण नभएपछि स्थानीयले ‘हाम्रो विराटनगर, राम्रो विराटनगर’ लेखिएको पोष्टर बिजुलीको पोलमा राखेका छन्। सडकमा धुलो उडेर आजित भएकाहरूले मंगलबार बिहान भद्र विरोध गर्दै पोलमा तस्बिर टाँगेका थिए ।
विराटनगर महानगरपालिकाभित्र ढल तथा नाला निर्माण गर्ने गरी क्षेत्रीय सहरी विकास परियोजना सञ्चालित छ। परियोजनाको काम समयमा नै सम्पन्न नहुँदा नगरबासीले समस्या भोग्दै आएका छन्।
यसअघि भक्तपुरको नगरकोट र दोलखाको चरिकोटका स्थानीयले सडक नबनाउने ठेकेदारका तस्बिर सवारी साधन र बिजुलीका पोलमा टाँसेका थिए।
