काठमाडौँ । निर्माण व्यवसायी रमेश शर्मा र पीताम्बर बडुलाई प्रहरीले नियन्त्रणमा लिएको छ ।
शर्मा एन्ड कम्पनीका सञ्चालक रमेश शर्मा र लामा कन्स्ट्रक्सनका पीताम्बर बडुलाई ठेक्का सम्झौता अनुसार काम समयमै सम्पन्न नगरेको आरोपमा नियन्त्रणमा लिइएको हो ।
सहरी विकास मन्त्रालयको पत्रका आधारमा प्रहरीले उनीहरूलाई नियन्त्रणमा लिएर मन्त्रालयमा उपस्थित गराएको उपत्यका अपराध अनुसन्धान कार्यालयले जनाएको छ।
प्रहरीले दुवै जनालाई गोङ्गबु क्षेत्रबाट नियन्त्रणमा लिएको हो । मन्त्रालयले आफूहरूले जिम्मा लिएको आयोजना निर्धारित समयमा पूरा नगरेको भन्दै उपस्थित गराइदिन प्रहरीलाई अनुरोध गरेको जनाएको छ ।
