काठमाडौं। फ्रान्सेली क्लब पेरिस सेन्ट जर्मेन (पीएसजी) युइएफए च्याम्पियन्स लिगको फाइनलमा प्रवेश गरेको छ।
बिहीबार राति भएको सेमिफाइनलको दोस्रो लेगमा जर्मन क्लब बायर्न म्युनिखसँग १–१ गोलको बराबरीमा रोकिए पनि समग्र एग्रिगेट स्कोरमा ६–५ को जित निकाल्दै पीएसजीले फाइनलको यात्रा तय गरेको हो।
बायर्नको घरेलु मैदान एलिएन्ज एरिनामा भएको खेलमा पीएसजीले निकै आक्रामक सुरुवात गरेको थियो। खेलको तेस्रो मिनेटमै ओस्मान डेम्बेलेले गोल गर्दै पीएसजीलाई सुरुवाती अग्रता दिलाएका थिए। उक्त १–० को अग्रतालाई खेलको निर्धारित समयसम्म कायम राखे पनि इन्जुरी समयमा बायर्नका स्ट्राइकर ह्यारी केनले गोल गर्दै खेल बराबरीमा ल्याएका थिए।
बुडापेस्टमा मे ३० मा हुने फाइनलमा पीएसजी नै उपाधिका लागि बलियो प्रत्यासी रहनेछ । डिफेन्डिङ च्याम्पियन पनि रहेको पिएसजीसामु अब आर्सनलको भेट फाइनलमा हुनेछ । पिएसजीका लागि लगातार दोस्रो सिजन युरोपेली क्लब फुटबलको सबैभन्दा ठूलो प्रतियोगिता जित्ने अवसर हुनेछ ।
रियल म्याड्रिडले सन् १९९० मा अन्तिम पटक लगातार दुई पल्ट उपाधि जितेको थियो । एजेन्सी
