काठमाडौ । त्रिभुवन विश्वविद्यालयका पदाधिकारीले राजीनामा दिन लागेका छन् । सरकारले राजनीतिक नियुक्ति लिएकाहरूलाई पदमुक्त गर्नेगरी अध्यादेश राष्ट्रपति रामचन्द्र पौडेललाई सिफारिस गरेपछि उनीहरुले राजीनामा दिन लागेका हुन् ।
त्रिविका उपकुलपति प्रा. डा. दिपक अर्याल, शिक्षाध्यक्ष प्रा. डा .खड्ग केसी र रजिस्ट्रार प्रा. डा. केदारप्रसाद रिजालले राजीनामा दिन लागेका हुन् ।
एक पदाधिकारुीले न्युजपोलारसंग भन्नुभयो “सरकारले भनेको भए हामीलाई छाड्न कुनै समस्या थिएन । तर राजनीतिक नियुक्ति हटाउन अध्यादेश नै गएपछि अब बस्न उपयुक्त लागेन । त्यसैले राजीनामा दिन लागेका छौ ।” उहाँले भन्नुभयो “आत्मसम्मानमा ठेस पुर्याएर बस्ने कुरा पनि भएन ।”
शिक्षाध्यक्ष केसी र रजिस्ट्रार रिजालले उपकुलपति अर्याललाई राजीनामा दिने र अर्यालले विश्वविद्यालयका कुलपति एंव प्रधानमन्त्री बालेन शाहलाई राजीनामा दिने उहाँले जानकारी दिनुभयो ।
