काठमाडौं: इन्डियन प्रिमियर लिग (आइपिएल) अन्तर्गत आज साँझ भएको पहिलो खेलमा गुजरात टाइटन्सले चेन्नाई सुपर किंग्सलाई ८ विकेटले पराजित गरेको छ ।
टस हारेर ब्याटिङको निम्तो पाएको चेन्नाई सुरुदेखि नै दबाबमा परेको थियो । एक समय ३७ रन बनाउँदै चेन्नाईले ४ विकेट गुमाइसकेको थियो । तर कप्तान रुतुराज गायकवाडले ७४ रन बनाएपछि टिमको स्कोर १५८ रन भएको थियो ।
जितका लागि १५९ रनको मध्यम लक्ष पाएको गुजरातले २ विकेट गुमाएर पूरा गरेको थियो । गुजरातका लागि प्रारम्भिक ब्याटर साई शुदर्सनले शानदार रूपमा ८७ रन बनाएका थिए भने जस बटलरले ३९ र कप्तान शुभमन गिलले ३३ रन बनाए ।
यो जितसँगै ८ खेलबाट ८ अंक जोड्दै गुजरात पाँचौं स्थानमा उक्लिएको छ भने चेन्नाई सुपर किंग्सले ८ खेलबाट ६ अंक सहित छैटौं स्थानमा छ ।
आज साँझ कोलकाता नाइट राइडर्स (केकेआर) र लखनऊ सुपर जाइन्ट्स बीच हुँदैछ । यो खेल अहिले ७.४५ बजेदेखि लखनऊको खेल मैदानमा हुनेछ ।
लखनऊ र केकेआर दुबै नवौं र दशौं स्थानमा छन् । यी दुबै टिम लगभग प्रतियोगिताबाट बाहिरिइसकेका छन् ।
