काठमाडौं । राष्ट्रिय स्वतन्त्र पार्टीको सचिवालयको बैठक सुरु भएको छ । वनस्थलीस्थित पार्टी केन्द्रीय कार्यालयमा बसिरहेको बैठकमा प्रतिनिधिसभा सदस्यको संगठनात्मक जिम्मेवारी र संसदीय दलको लागि प्राविधिक सहायता एवं ‘लेवी’लगायत विषयमा पनि छलफल हुने एजेण्डा तय भएको छ ।
पार्टी प्रवक्ता मनिष झाका अनुसार केन्द्रीय समिति बैठकका लागि नौबुँदे प्रस्तावित कार्यसूची तयार भएको छ । जसमा पार्टी गतिविधि व्रिफिङ , केन्द्रीय सदस्यहरुको रिपोर्टिङ ,केन्द्रीय समिति पदाधिकारी मनोनयन , महाधिवेशन कार्यविधि मस्यौदा , विधान संशोधन ,स्थानीय तह उम्मेदवार क्लब गठन र आवेदन आब्हान प्रवासमा रहेका नेपालीहरुलाई प्रवासबाटै मताधिकार दिने ,सचिवालयका निर्णय अनुमोदनका बारेमा छलफल हुने छ ।
यसैगरी विविधमा, विभिन्न आयोग, निकाय, पदाधिकारीबाट प्राप्त पत्राचार , विषयगत विभागको योजना तयारी र नीति मन्थन सम्बन्धमा निर्देशन र संसदीय दलको विधान संशोधन सम्बन्धमा छलफल हुने छ ।
