काठमाडाैँ । गृहमन्त्री सुधन गुरुङले आफ्नो सम्पत्ति विवरणलाई लिएर उठेका प्रश्नहरूको जवाफ दिनुभएको छ।
संघीय संसद सचिवालयको प्राङ्गणमा सञ्चारकर्मीसँग कुराकानी गर्दै मन्त्री गुरुङले सार्वजनिक भएको सम्पत्ति आफ्नो हजुरबुवाको अंशबण्डा हुनुभन्दा अघिको रहेको स्पष्ट पार्नुभयो। उहाँले उक्त सम्पत्तिको विषयमा विभिन्न ढंगले भ्रम फैलाउने प्रयास भइरहेको भन्दै त्यसप्रति गम्भीर ध्यानाकर्षण भएको बताउनुभयो।
मन्त्री गुरुङले वास्तविकता नबुझी अनावश्यक प्रचार–प्रसार नगर्न आग्रह गर्दै तथ्यमा आधारित समाचार सम्प्रेषण गर्न सञ्चारकर्मीहरूलाई अनुरोध गर्नुभयो।
