अमेरिकी नौसेनाको गाइडेड–मिसाइल डिस्ट्रोयरले हर्मुज जलक्षेत्रबाट इरानी झण्डा भएको एउटा कार्गो जहाजलाई रोकेर फिर्ता पठाएको अमेरिकी सेन्ट्रल कमाण्डले बुधवार जनाएको छ ।
सोमवारदेखि अमेरिकी नाकाबन्दी सुरु भएयता अहिलेसम्म १० वटा जहाजलाई फिर्ता पठाइएको र कुनैपनि जहाजले हर्मुज पार गर्न नसकेको कमाण्डले जनाएको छ ।
अमेरिकी सेन्ट्रल कमाण्डका प्रमुख ब्राड कूपरले मंगलवार राति एक्समा अमेरिकी सेनाले समुद्रमार्फत इरानमा हुने र इरानबाट हुने आर्थिक व्यापार पूर्ण रूपमा बन्द गरेको बताएका छन् ।
यो कदमबाट विश्व बजारमा इन्धनको मूल्य थप असन्तुलित र बृद्धि हुने देखिएको छ ।
यद्यपि, अर्को साता अमेरिका र इरान बिच वार्ता फेरि वार्ता हुने सम्भावना रहेको अन्तरराष्ट्रिय संचार माध्यमहरूले बताएका छन् । एजेन्सी
