काठमाडौं । प्रतिनिधिसभाका सभामुख डोलप्रसाद (डीपी) अर्यालले नवनिर्वाचित उपसभामुख रूबी कुमार ठाकुरसँग पदभार ग्रहणपश्चात पहिलो शिष्टाचार भेट गर्नुभएको छ।
सभामुख अर्यालले उपसभामुख ठाकुरलाई बधाई दिँदै सफल कार्यकालको शुभकामना व्यक्त गर्नुभएको थियो।
भेटका क्रममा संसद्को प्रभावकारी सञ्चालन, आगामी कार्ययोजना तथा समन्वयका विषयमा संक्षिप्त छलफल भएको जनाइएको छ।
यस भेटलाई संघीय संसद्को नेतृत्वबीच समन्वय र सहकार्य सुदृढ बनाउने प्रारम्भिक पहलका रूपमा हेरिएको छ।
