काठमाडौं । नेकपा एमालेका केन्द्रीय सदस्य खिमलाल भट्टराईले कार्यवाहक अध्यक्ष एवम् संसदीय दलका नेता रामबहादुर थापा बादलको अभिव्यक्तिप्रति कडा आपत्ति जनाउनु भएको छ ।
भट्टराईले सामाजिक सञ्जालमार्फत थापाले जेजस्ता भाषा, शैली र दृष्टिकोण पेश गर्नुभयो त्यो पार्टी नीति र एमाले स्कुलीङका विरुद्ध भएको जनाउनु भएको छ ।
उहाँले लेख्नुभएको छ –
कावा अध्यक्ष एवं दलनेताको बोली र एमाले :
हाम्रो पार्टी नेकपा (एमाले)का कार्यवाहक अध्यक्ष एवं प्रतिनिधिसभामा दलका नेता कमरेड राम बहादुर थापा “वादल” ले हिजो चैत्र २५ गते, पोखरामा जिल्ला कमिटीद्वारा आयोजित भेलालाई संवोधन गर्ने क्रममा जेजस्ता भाषा, शैली र दृष्टिकोण पेश गर्नुभयो त्यो पार्टी नीति र एमाले स्कुलीङका विरुद्ध छ ।
कव्जा, आक्रमण , दुश्मन आदि
शव्दावलीहरु एमालेका होईनन् ।
जनताको वहुदलीय जनवादको मार्गदर्शन विलकुल यो होईन ।
हामी कव्जा होईन, जनताको मन जितेर प्रतिष्पर्धामा श्रेष्ठ हुन्छौ, कव्जा हाम्रो नीति होईन । हामीले आक्रमण होईन शान्तिपुर्ण संघर्षबाट विजयलाई सुनिश्चित गर्छौ । हामी प्रतिष्पर्धा गर्छौ दुश्मनी गर्दैनौं । एमालेको संघर्षको नीति यो हो ।
कार्यवाहक अध्यक्षज्युलाई सिकाउन खोजेको विलकुल होईन,
उहाँको पुरानो धङधङी एमालेको नीति हुन सक्दैन मात्रै भन्न खोजेको हुँ ।
उहाँले आज नेकपा (एमाले) कुन अवस्थामा छ भन्ने आँकलन र कसरी कार्यकर्ता र शुभेच्छुकको पंक्तिलाई परिचालन गर्ने भन्ने कुराको तरीका पनि ठम्याउन सक्नु भएन ।
उहाँमा विलकुल युद्धकालीन भाषा, शैली र चिन्तन प्रवृति देखियो ।
व्यक्तिगतरुपमा उहाँलाई मैले सैध्दान्तिक चेत भएको कम बोल्ने भद्र नेताकारुपमा लिन्थे ।
उहाँको यो भाषण देखेपछि पुरानो होकि वा एआईले पो गडवड गरेछकि भन्ने लागेर अलि बुझ्न खोजें ।
तर अहिलेकै र वास्तविक रहेछ ।
वास्तवमा मलाई दुख लाग्यो ।
पार्टीको आजको खलवलिएको अवस्थामा नेतृत्व लिनु भएका मुख्य जिम्मेवारको अवस्था यो छ ।
उहाँले न पार्टीको अवस्था न दृष्टिकोण दुवै बुझेको देखिएन । फस्टम्यानको पगरी धान्न नसक्ने पक्का भयो ।
कार्यवाहक र दलको नेताको जिम्मेवारी दिनु हुने आदरणीय पार्टी अध्यक्ष कमरेड र सचिवालयका कमरेडहरुले बेलैमा सोच्नुहोस् ।
धन्यवाद ।।
