काठमाडौं । नेपाल उद्योग वाणिज्य महासंघको आगामी निर्वाचनमा कार्यकारिणी महिला खुला सदस्य पदका लागि सुष्मा महराले उम्मेदवारी घोषणा गरेकी छन्।
साना तथा मझौला व्यवसायी र महिला उद्यमीको हकहितलाई मुख्य एजेन्डा बनाएकी महराले व्यवसायमैत्री वातावरण, समावेशी नेतृत्व र नीतिगत सुधारमा जोड दिएकी छन्। महिलालाई केवल कोटामा सीमित नराखी क्षमता र गुणस्तरका आधारमा नेतृत्वमा ल्याउनुपर्ने महराको धारणा छ।
महराले साना व्यवसायीहरूलाई सहुलियतपूर्ण ऋण, प्रविधिमा पहुँच र झन्झटमुक्त कर प्रणालीका लागि आफूले पहल गर्ने प्रतिबद्धता व्यक्त गर्नुभएको छ ।
