काठमाडौं । सरकारले शनिबार र आइतबार शैक्षिक संस्था तथा सरकारी कार्यालयहरुमा सार्वजनिक बिदा दिने निर्णय गरेको छ ।
आज बसेको मन्त्रिपरिषद् बैठकले पेट्रोलियम पदार्थको आपूर्तीमा आएको असहजताका कारण तत्काललाई शनिबार र आइतबार शैक्षिक संस्था तथा सरकारी कार्यालयहरुमा सार्वजनिक बिदा दिने गरेको हो ।
अन्य दिन भने कार्यालय समय ९ देखि ५ कायम गरिएको छ ।
यस्तै, शैक्षिक सत्र वैशाख १५ गतेदेखि लागू गर्ने निर्णय गरेको पनि सरकारका प्रवक्ता सस्मित पोखरेलले बताए ।
मन्त्रिपरिषदको आज आकस्मिक बैठक बसेको थियो ।
