काठमाडौं । शंकर ग्रुपका सञ्चालक सुलभ अग्रवाल पक्राउ परेका छन् । अग्रवाललाई सम्पत्ति शुद्धीकरणसम्बन्धी कसुरमा पक्राउ गरिएको हो ।
यसअघि शुक्रबार शंकर ग्रुपका अध्यक्ष शंकरलाल अग्रवाल पनि पक्राउ परेका थिए । व्यापारी दीपक भट्ट पक्राउ परेसँगै सम्पत्ति शुद्धीकरण विभागले उनीसँग जोडिएका अन्य व्यक्तिमाथि पनि अनुसन्धान अघि बढाएको हो ।
यसै बिच हिमालयन लाइफ इन्स्योरेन्स लिमिटेडले सञ्चालक समितिका अध्यक्ष रहेका सुलभ अग्रवालले दिएको राजीनामा स्वीकृत गरेको छ। उनले चैत १९ गते अध्यक्ष र सञ्चालक दुवै पदबाट राजीनामा दिएका थिए। गत शुक्रबार बसेको सञ्चालक समिति बैठकले उनको राजीनामा स्वीकृत गरेको कम्पनीले जनाएको छ ।
