काठमाडौं– मिस नेपाल अनुष्का श्रेष्ठले एटलान्टामा आयोजित मिस वर्ल्डको मल्टिमिडिया अवार्ड जितेकी छन्।
६९औं संस्करणको मिस वर्ल्ड २०१९ का लागि प्रतिस्पर्धामा रहेकी अनुष्काले मल्टिमिडिया अवार्ड जित्दै उपाधिका लागि बलियो स्थान बनाएकी हुन्। उनी मल्टिमिडिया अवार्ड जितेसँगै टप ३० मा प्रवेश गर्न सफल भएकी छन्। यसअघि उनले ‘हेड टु हेड’ च्यालेन्जसमेत जितेकी थिइन्। उक्त अवार्ड जितेर ११२ देशका प्रतिस्पर्धी सुन्दरीमाझ उनी टप ४० मा परेकी थिइन्।
नेपालले भोटिङमा सबैभन्दा बढी मत पाएमा सिधै टप २० मा प्रवेश गर्नेछ, त्यसको लागि बढीभन्दा बढी भोट गर्नुपर्ने हुन्छ। डिसेम्बर १४ अर्थात यही शनिबार सम्पन्न हुने फाइनलमा उत्कृष्ट १० सुन्दरीबीच प्रतिस्पर्धा हुनेछ। उनीहरूमध्ये उत्कृष्ट ५ जनालाई मात्र मिस वर्ल्ड उपाधिका लागि सहभागी गराइने मिस वर्ल्डको नियम छ।
