काठमाडाैँ । कानून, न्याय तथा संसदीय मामिला मन्त्री सवित गौतमले आज सर्वोच्च अदालतको अनुगमन गरेकी छन्। जेनजी आन्दोलनका क्रममा भएको आगलागीपछि अदालतको संरचना र सेवा प्रवाहमा परेको असरको मूल्याङ्कन गर्न उनले आज स्थलगत निरीक्षण गरेकी हुन्।
अनुगमनका क्रममा मन्त्री गौतमले आगलागीबाट क्षति पुगेका भवन, अभिलेख तथा भौतिक पूर्वाधारको अवस्थाबारे जानकारी लिँदै तत्काल सेवा सुचारु गर्न सकिने सम्भावनाबारे सम्बन्धित अधिकारीहरूसँग छलफल गरेकी थिइन्।
आन्दोलनका क्रममा भएको आगलागीपछि सर्वोच्च अदालतको सुरक्षालाई थप कडा बनाइएको छ भने पुनःस्थापना कार्यलाई तीव्रता दिइएको छ।
