काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले सरकारले निजी क्षेत्र संरक्षण एवं प्रवर्धन रणनीति पारित गरेकोमा स्वागत गरेका छन्।
अध्यक्ष ढकालले सामाजिक सञ्जालमार्फत प्रतिक्रिया दिँदै लामो समयदेखि महासंघले उठाउँदै आएको उक्त रणनीति पारित हुनु निजी क्षेत्रका लागि महत्वपूर्ण उपलब्धि भएको बताएका छन्।
उनले यस निर्णयप्रति सरकारलाई धन्यवाद व्यक्त गर्दै यसले निजी क्षेत्रको सुरक्षा सुदृढ गर्ने, मनोबल उच्च बनाउने तथा व्यवसाय सञ्चालनका लागि अनुकूल वातावरण निर्माण गर्ने विश्वास व्यक्त गरेका छन्।
उनका अनुसार रणनीतिको प्रभावकारी कार्यान्वयनले निजी क्षेत्रका विद्यमान चुनौतीहरू समाधान गर्दै लगानीमैत्री वातावरण प्रवर्द्धन गर्न र उद्यमशीलतालाई थप ऊर्जा दिन महत्वपूर्ण भूमिका खेल्नेछ।
साथै, यसबाट व्यवसायप्रति सकारात्मक दृष्टिकोण विकास भई लगानी वृद्धि, रोजगारी सृजना तथा समग्र आर्थिक समृद्धिमा टेवा पुग्ने उनको भनाइ छ।
