काठमाडौं । गत भदौमा भएको जेनजी आन्दोलनको छानबीन गर्न गठन भएको पूर्वन्यायाधीश गौरीबहादुर कार्की नेतृत्वको आयोगले केही दिन अघि बुझाएको प्रतिवेदन हिजो नेपाल सरकारले सार्वजनिक गरेको छ ।
सो प्रतिवेदन निकै नै विवादास्पद बन्न पुगेको छ । भदौ २३ गते भएको जेनजी आन्दोलनका क्रममा गोली लागेर केही युवायुवतीको ज्यान गएको थियो । गौरी आयोगले खासमा सोही गोलीकाण्डका दोषी भनेर तत्कालीन प्रधानमन्त्री केपी ओली, गृहमन्त्री रमेश लेखक र प्रहरी महानिरीक्षक चन्द्र कुबेर खापुङलाई फौजदारी अभियोगमा कारबाही गर्न सिफारिश गरेको छ ।
तर विवादास्पद त कहाँनेर भयो भने अघिल्लो दिनको घटनामा राज्य पक्षलाई दोषी देखेको आयोगले भोलिपल्ट २४ गते देशैभरिका सरकारी संरचना जलेको, जलाइएको विषयमा भने केही पनि बोलेको छैन । तीन आपराधिक घटनामा संलग्नताका प्रमाणका रुपमा भिडियो फुटेजहरु अध्ययन गरेपनि कारबाहीको सिफारिश गरेको छैन ।
यसकारण विवादास्पद बनेको छ आयोगको प्रतिवेदन । यस प्रतिवेदनले देशको राजनीतिमा एक प्रकारको तरंग पैदा गरिदिएको छ । यता यस्तो विवादास्पद प्रतिवेदन दिएका आयोगका प्रमुख कार्की भने आज काठमाडौँबाट बाहिरिएर धार्मिक यात्रामा लागेका छन् ।
उनी हेटौँडामा रहेको पाथिभरा मन्दिरमा पुगेर आज पूजाआजा गरेका छन् ।
हेर्नुहोस् तस्बिरहरु ।
