काठमाडौं । राष्ट्रियसभा सदस्य दिनानाथ शर्माले सरकारले आफ्नो २ वर्षे कार्यकालमा जनताको मुहारमा नयाँ चमक ल्याएको बताउनुभएको छ ।
शुक्रबार बसेको राष्ट्रियसभा बैठकमा शर्माले देश आर्थिक समृद्धिको यात्रामा अगाडी बढेको बताउनुहुँदै भौतिक संरचनाहरुको निर्माणका सन्दर्भमा सरकारले महत्वपूर्ण सफलता हासिल गरेको बताउनुभएको हो ।
‘देश आर्थिक समृद्धिको दिशमा अगाडी बढेको छ भन्ने कुरा विभिन्न तथ्याङकहरुले पुष्टि गर्छ । भौतिक संरचना निर्माणमा पनि सरकारले महत्वपूर्ण कदम चालेको छ । केही राष्ट्रिय गौरवका आयोजना सम्पन्न भएका छन् केही हुने क्रममा छन्’, उहाँले भन्नुभयो, ‘३० महिनामा पुरा गर्ने लक्ष्य लिइएको ६७ किलोमिटर पाईपलाइनको काम १८ महिनामा सम्पन्न भएको छ । यो सबैका लागि खुसीको कुरा हो ।’
एक फरक प्रशंगमा शर्माले विभिन्न समितिमा हुने विधेयकमाथिको दफावार छलफलमा सम्बन्धित मन्त्रीहरु सहभागि नुहने गुनासो आएको बताउनुभएको छ । समितिका सभापतिहरुले आफ्नो विधेयकहरुलाई अगाडी बढाउन महत्वपूर्ण भूमिका खेलेको भएपनि सम्बन्धित मन्त्रीहरु छलफलमा सहभागि नहुँदा विधेयक तदारुकताका साथ अगडी बढाउन समस्या आउने गरेको उहाँले बताउनुभयो । समितिको छलफलमा मन्त्रीहरु सहभागि नहुने गुनासो आगामी दिनम नहोस भन्दै उहाँे सरकारको ध्यानाकर्षण पनि गराउनुभयो ।
राष्ट्रियसभाको पाँचौ अधिवेशनको पहिलो दिन उहाँले यहि अधिवेशनबाट केही सांसदहरु विदा भएर जाँदा दुःख लागेको बताउँदै नयाँ सदस्यहरु भित्र्याउँदा राष्ट्रियसभाको गरिमा उच्च राख्न अझ बौद्धिक र अनुभवि व्यक्ति ल्याउन राजनीतिक दलहरुलाई आग्रह गर्नुभयो ।
