काठमाडाैँ । राष्ट्रिय स्वतन्त्र पार्टी (रास्वपा) ले समानुपातिक सांसदहरूको नामावली आज टुंग्याउने भएको छ।
पार्टी केन्द्रीय कार्यालय वनस्थलीमा सचिवालयको बैठक बसेर नामावली पक्का गर्ने तयारी भइरहेको पार्टी प्रवक्ता मनिष झाले जानकारी दिए । उनले मन्त्रीहरूको जिम्मेवारीबारे औपचारिक छलफल अहिलेसम्म सुरु नभएको पनि स्पष्ट पारे।
“औपचारिक रूपमा मन्त्रीको जिम्मेवारी क-कसले लिने भन्ने विषयमा छलफल भएको छैन,”उनले भने, “निर्वाचन आयोगले अन्तिम परिणामसहितको प्रतिवेदन बुझाउन बाँकी छ। समय आएपछि यस विषयमा छलफल हुनेछ।”
सरकार गठनको तयारी भने माघ ५ गते बालेन्द्र शाहलाई प्रधानमन्त्री घोषणा गर्ने दिनदेखि नै सुरु भएको उनले जानकारी दिए।
