काठमाडौं । राष्ट्रिय स्वतन्त्र पार्टीका उपसभापति डोलप्रसाद (डिपी) अर्याल काठमाडौँ उपत्यकामा सबैभन्दा ठूलो मतान्तरसहित काठमाडौँ निर्वाचन क्षेत्र नम्बर ९ बाट विजयी हुनुभएको छ।
७५,६५५ कुल मतदाता संख्या रहेको क्षेत्र नं ९ मा ५२,२८६ खसेको थियो । जसमा ५०,६३० मत सदर भएको थियो भने १,६५६ मत बदर भएको थियो ।
अर्यालले ३५,९१३ मत प्राप्त गरेर बिजयी हुँदा नेपाली कांग्रेसका नानुमैया बास्तोलाले ५४६० मत प्राप्त गर्नुभएको थियो । यसैगरी नेकपा एमालेका अजय क्रान्ति शाक्यले ४५८० मत प्राप्त गर्नुभएको थियो । अर्याल र बास्तोलाको मतान्तर २९६३५ रहेको छ ।
अर्यालले आफ्नो पार्टीको उम्मेदवारसंग भएको क्षमतालाई हेरेर जनताले विश्वास गरेको बताउनु भएको छ । अर्यालले कसैको मुख हेरेर नभइ उम्मेदवारसंग भएको ईमान्दारीता, क्षमता र दुरदर्शीतालाई हेरेर जनताले विश्वास गरेको बताउनु भयो ।
उहाले आफुलाई मत दिने मतदाताको भावनालाई उच्च कदर गर्दै जनताको भावना अनुसार अघि बढ्ने उल्लेख गर्नुभयो । जनताले आफुहरुलाई न्याय दिएको भन्दै उहाले अन्याय नहुने गरि काम गर्ने प्रतिवद्धता समेत जनाउनु भयो ।
२०७९ को प्रतिनिधिसभा निर्वाचनमा समानुपातिक सूचीमार्फत संघीय सांसद बन्नु भएका अर्यालले यस पटक प्रत्यक्ष निर्वाचन मार्फत संसदमा प्रबेश गर्नुभएको छ ।
