काठमाडौं। सर्लाही–४ मा नेपाली कांग्रेसका सभापति गगनकुमार थापा र उनका प्रतिस्पर्धी अमरेशकुमार सिंहका बीचमा पछिल्लो समयमा मतान्तर बढ्दै गएको छ ।
पछिल्लो अपडेट अनुसार गगन अमरेशभन्दा ४ हजार ४०० मतले पछाडि परेका छन् । रास्वपाका उम्मेदवार सिंहले ११ हजार ३८३ मत ल्याउँदा गगन थापाले ६ हजार ९५२ मत ल्याएका छन् । निर्वाचन अधिकृतको कार्यालयले केहीवेर अघिमात्रै अद्यावधिक विवरण सार्वजनिक गरेको हो ।
तर त्यहाँ मत गन्न अझै धेरै बाँकी रहेको छ । त्यहाँ खसेको मत ७७ हजार भन्दा बढी हो । त्यसैले अहिले नै जित कसको हुनछ भनेर भन्न सकिने अवस्था छैन । त्यहाँ एमाले निकै पछि छ र उसको मत दुई हजारको हाराहारीमा छ ।
सो क्षेत्रको सूचना अनुसार त्यहाँको मत सबै मिसमास गरेर गनिरहेकोले कुनै उम्मेदवारको कोर एरिया भने नरहेको बताइएको छ ।
