काठमाडाैँ । निर्वाचन आयोगले मतदान अगाडि गरिने कुनैपनि प्रकारका मत सर्वेक्षण र त्यसका आधारमा गरिने हारजितको घोषणाप्रति आपत्ति जनाएको छ ।
कार्यवाहक प्रमुख निर्वाचन आयुक्त रामप्रसाद भण्डारीले यस्ता गतिविधि कानून र आचारसंहिता विपरीत रहेको भन्दै यसलाई सदाका लागि अन्त्य गर्ने अठोट आयोगले लिएको स्पष्ट पारेका हुन् ।
उनले मतदाताले मत खसाल्नै नपाईकन बाहिरबाटै परिणाम घोषणा गर्ने परिपाटीप्रति आयोग संवेदनशील रहेको बताए । यस विषयमा आयोगले प्रेस काउन्सिल नेपालसँग पनि संवाद गरिसकेको र कतिपय विषय अदालतमा समेत पुगिसकेको उनले जानकारी दिए । हरेक निर्वाचनको पूर्वसन्ध्यामा यो विषय पेचिलो बन्ने गरेको उल्लेख गरे ।
कानूनले निषेध गरेको कुरालाई कसैले मान्दिनँ भन्न नपाउने भन्दै उहाँले यस्ता गतिविधिमा संलग्न नहुन सबैलाई सचेत गराए ।
