श्रीलंकाको कोलम्बो स्थित आर प्रेमदासा रंगशालामा अहिले साँझ ७.१५ बजेदेखि सुरू हुने टी-२० विश्वकपको खेलमा न्युजील्यान्डले ईङल्यान्ड विरूद्ध टस जितेर पहिले ब्याटिङ गर्ने निर्णय गरेको छ ।
इङल्यान्ड यसअघि नै सुपर ८ को समूह २ बाट लगातार २ खेल जितेर सेमिफाइनलमा प्रवेश गरिसकेको छ । न्युजील्यान्डले आजको खेल जिते सेमिफाइनल प्रवेश गर्नेछ र पाकिस्तान बाहिरिने छ ।
यस समूहमा पाकिस्तानले आयोजक श्रीलंकासँग खेल्न बाँकी छ । न्युजील्यान्ड पराजित भएको र पाकिस्तान विजय भएको अवस्थामा दुई टिमको रनरेटका आधारमा सेमिफाइनलको समिकरण पूरा हुनेछ ।
गर-या-मर को स्थितिमा न्युजील्यान्ड रहेको छ । त्यही कारण आजको खेल निकै रोचक हुने अनुमान गरिएको छ । #t20
