अमेरिकी हमलामा इरानका कमान्डर जनरल कासिम सुलेमानीको मृत्युपछि इरान र अमेरिका एक अर्काविरुद्ध आक्रामक भएका छन् । आइतबार राष्ट्रपति डोनाल्ड ट्रक्पले इरानलाई विल्कुलै नयाँ हतियारले हमला गर्ने धम्की समेत दिएका छन् ।
अन्तर्राष्ट्रिय मिडियामा प्रकाशित खबरका अनुसार त्यसको केही बेरपछि इरानले ट्रम्पको टाउकोको मूल्य तोकेको छ । इरानले ट्रक्पको टाउकोको मूल्य ८० मिलियन डलर (लगभग ९ अर्ब रुपैयाँ) तोकेको छ ।
ट्रम्पको टाउकोको मूल्य तिर्न इरानीले गर्नेछन् दानः जनरल सुलेमानीको अन्तिम संस्कारको क्रममा एक संस्थाले इरानका सबै नागरिकलाई एक डलर दान गर्न अपिल गरेको छ । ट्रम्पको टाउकोको बदलामा राखिएको ८० मिलियन डलर जम्मा गर्नका लागि संस्थाले सबै इरानी नागरिकलाई दान गर्न अपिल गरेको छ ।
मसादमा जतिबेला सुलेमानीको शोक सभा आयोजना गरिएका बेला इरानी संस्थाले यो घोषणा गरेको हो ।
