काठमाडौं । शुक्रबारदेखि पश्चिमी वायुको न्यून चापीय प्रणालीको प्रभाव हटेकाले आगामी तीन दिन मौसम सामान्यतया सफा रहने भएको छ । शनिबारदेखि सोमबारसम्म देशभर मौसम सामान्यतया सफा रहने मौसमविद्ले बताएका छन्।
पश्चिमी वायुको प्रभाव हटेपछि तराईमा हुस्सुरकुहिरो लाग्ने मौसमविद् बताएका छन् । शनिवार बिहान तराई क्षेत्रमा हुस्सुरकुहिरो लागेको छ। तर त्यो दिउँसोतिर हट्ने सम्भावना रहेको मौसमविद्को अनुमान छ।
मौसमविद्का अनुसार आज काठमाडौं उपत्यकालगायत देशका अधिकांश स्थानमा घाम लाग्ने सम्भावना छ।
शनिबार बिहान साढे ६ बजेको मापनअनुसार काठमाडौं उपत्यकाको न्यूनतम तापक्रम ७ डिग्री सेल्सियस रहेको थियो ।
यस्तो छ आगामी ३ दिनको मौसम अनुमान :
पुस २६ गते (शनिबार)
दिउँसो : मध्य र पूर्वी पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ।
राति : देशका पश्चिमी भूभागमा आंशिक बदली रही बाँकी स्थानमा मौसम सामान्यतया सफा रहनेछ।
पुस २७ गते (आइतबार)
दिउँसो : देशभर मौसम सामान्यतया सफा रहनेछ।
राति : देशभर मौसम सामान्यतया सफा रहनेछ।
पुस २८ गते (सोमबार)
दिउँसो : देशभर मौसम सामान्यतया सफा रहनेछ।
राति : देशका पश्चिमी भूभागमा मा सामान्य बदली भई अन्य भूभागमा मौसम सामान्यतया सफा रहनेछ।
