![](https://newspolar.com/wp-content/uploads/2022/03/sarlahi_qr0Dj36IZ1.jpg)
काठमाडौं । जिल्ला प्रशासन कार्यालय सर्लाहीले ईश्वरपुरमा निषेधाज्ञा जारी गरेको छ ।
प्रहरीको गाडीको ठक्करबाट स्थानीयको मृत्यु भएको विषयलाई लिएर तनाव बढेपछि ईश्वरपुर नगरपालिकाको केही क्षेत्रमा निषेधाज्ञा जारी गरिएको हो ।
इलाका प्रहरी कार्यालय केशरगंजको गस्ती टोलीको ना.१ झ ८६९ नम्बरको गाडीले आइतबार राति ईश्वरपुर नगरपालिका५ का व्यापारी रामकुमार महतोलाई ठक्कर दिएको थियो ।
उपचारको क्रममा महतोको मृत्यु भएपछि आक्रोशित स्थानीयले सोमवार प्रहरीको ना. १ झ. ७४८२ नम्बरको गाडी जलाएका थिए ।
प्रदर्शनको क्रममा सार्वजनिक सम्पत्तिको तोडफोड, आगजनीलगायतका घटना बढेकाले नियन्त्रणका लागि भन्दै स्थानीय प्रशासनले मंगलबार दिउँसो ३ बजेदेखि बुधबार राति ७ बजेसम्मका लागि निषेधाज्ञाको आदेश जारी गरेको हो ।