इङलिस प्रिमियर लिग अन्तर्गत आइतबार साँझ भएको म्यान्चेस्टर युनाइटेडले फुलह्यामलाई ३–२ गोल अन्तरले पराजित गरेको छ ।
यो जित सहित युनाइटेडले लिगमा लगातार तीन खेल जितको रेकर्ड बनाएको छ । युनाइटेडले पछिल्ला पाँच खेलमा ३ जित र २ बराबरी खेल्दै लिगमा ४१ अंक सहित चौथो स्थानमा उक्लेको छ ।
युनाइटेडका लागि १९औं मिनेटमा कासेमिरोले पहिलो गोल गरेका थिए । ५६औं मिनेटमा म्याथिस कुन्हाले दोस्रो गोल गरेर टिमलाई जितको नजिक पुर्याएका थिए ।
तर फुलह्यामका लागि राउल जिमेनेजले ८५औं तथा ९१औं मिनेटमा केभिनले गोल गरेर बराबरीमा ल्याएका थिए ।
तर नाटकीय ढंगबाट युनाइटेडका लागि बेन्जामिन सेस्कोले ९४औं मिनेटमा गोल गरेर टिमलाई ३–२ ले जित दिलाए ।
फुलह्याम भने ३४ अंक सहित लिगमा आठौं स्थानमा छ ।
आजै भएका अन्य खेलमा क्रिस्टल प्यालेस र नटिङघम फरेस्टबीच १–१ को बराबरी भयो भने एस्टन भिल्ला ब्रेन्टफोर्डसँग १–० गोलले पराजित भयो ।
