काठमाडौँ । नेपाल उद्योग वाणिज्य संघ काठमाडौंले काठमाडौं व्यापार महोत्सव २०८२ आयोजना गर्ने भएको छ ।
आईतवार काठमाडौंमा पत्रकार सम्मेलन गरेर यसबारे जानकारी गराइएको हो ।
मेला आगामी माघ १४ देखि १७ गतेसम्म भृकुटीमण्डप प्रदर्शनी स्थलमा हुनेछ ।काठमाडौं बिजनेस एक्स्पो २०२६ व्यापार–व्यवसायको उत्थान, कला–संस्कृति तथा पर्यटन प्रवद्र्धनः समृद्ध काठमाडौं हाम्रो अभियान भन्ने मूल नाराका साथ आयोजना हुन लागेको आयोजकको भनाइ छ । संघका अध्यक्ष दिनेश श्रेष्ठले महोत्सवमा करिव २ सय भन्दा बढी व्यवसायिक स्टलहरू रहने र स्थानीय उत्पादन, हस्तकला, खाना, प्रविधि तथा विभिन्न सेवा प्रदर्शनीमा राखिने बताउनु भयो । महोत्सवले काठमाडौं जिल्लाको आर्थिक, सांस्कृतिक तथा पर्यटकीय क्षेत्रको प्रवद्र्धनमा महत्वपूर्ण योगदान पुग्ने विश्वास व्यक्त गर्नुभयो । उहाँका अनुसार महोत्सवमा नेपालका साथै भारत र बंगलादेशका विशेष उत्पादनहरू पनि प्रदर्शनीमा रहनेछन् । यसले अन्तर्राष्ट्रिय व्यापारिक सम्बन्ध विस्तारमा सहयोग पुग्ने अपेक्षा गरिएको छ ।
महोत्सवमा एक लाखभन्दा बढी अवलोकनकर्ताको सहभागिता हुने अनुमान गरिएको छ । अवलोकनकर्तामा सर्वसाधारण, उद्यमी–व्यवसायी, युवा उद्यमी, विद्यार्थी, स्टार्टअपहरू, पर्यटक, फुड लभर्स तथा कला–संस्कृति पारखीहरूको उल्लेखनीय उपस्थिति रहने आयोजकको भनाइ छ । महोत्सव दैनिक बिहान १० बजेदेखि साँझ ६ बजेसम्म सञ्चालन हुनेछ ।
