काठमाडौँ । नेपालले पहिलोपटक आयोजना गरेको महिला क्रिकेट विश्वकपको ग्लोबल छनोट खेलअन्तर्गत थाइल्यान्डविरुद्धको उद्घाटन खेलमा घरेलु टोलि नेपालले १२३ रनको लक्ष्य दिएको छ ।
कीर्तिपुरस्थित त्रिवि अन्तरराष्ट्रिय क्रिकेट मैदानमा टस हारेर पहिले ब्याटिङमा उत्रिएको नेपालले २० ओभरमा सबै विकेट गुमाएर १२२ रन जोड्यो । बिन्दु रावलले सर्वाधिक ४४ रनको योगदान दिइन् भने सोनु खड्काले २६ रन जोडिन् । यस्तै रुबिना क्षेत्रीले १७ रन जोड्दा पुजा महतोले १२ रन बनाइन् ।
पहिलोपटक एसिया छनोट पार गरेर ग्लोबल छनोटमा पुगेको नेपाली महिला टोलीको अबको लक्ष्य महिला विश्वकप खेल्ने रहेको छ ।
