काठमाडौं । प्रतिनिधि सभाको प्रत्यक्षतर्फ पार्टीको टिकट वितरणको निर्णयमा नेकपा एमालेका उपमहासचिव योगेश भट्टराईले असहमति जनाउनु भएको छ ।
अध्यक्ष केपी शर्मा ओलीले ल्याएको प्रस्तावमा भट्टराईले लिखित असहमति जनाउनु भएको छ स्रोतका अनुसार नेता भट्टराईले निर्णय पुस्तिका लेख्नु भएको छ ‘टिकट वितरणमा असहमति छ, नोट अफ डिसेन्ट लेख्छु भन्नुभएको छ।’
भट्टराईले चुनाव लड्दै आएको ताप्लेजुङमा अध्यक्ष ओलीले पछि टुंग्याउने भनेर निर्णय सार्वजनिक गरिएको छ । भट्टराईले सामाजिक सञ्जाल मार्फत् समर्थकहरुलाई विचलित नहुन अपिल समेत गर्नुभएको छ ।
उहाँले लेख्नुभएको छ
नेकपा एमालेका प्रिय कमरेडहरू
निर्णय सुनेर विचलित नहुँन अनुरोध गर्दछु ।
अझ उच्च मनोवल र एकताका साथ नेकपा एमालेका उम्मेदवारहरूलाई बिजयी बनाऊन आफनो ठाउ र हैसियतबाट सक्रिय रहन आह्वान गर्दछु ।
हाम्रो यात्रा लामो र ग़ौरबपूर्ण छ ।
