काठमाडौं । नेपाली कांग्रेसको आधिकारिकता सम्बन्धी विवादको निर्णय केही बेरमा निर्वाचन आयोगले सुनाउँदैछ । आयोगले केही बेरमा सो निर्णय सुनाउने तयारी गरिरहेको बुझिएको छ ।
निर्वाचन आयोगको स्रोतबाट प्राप्त समाचार अनुसार नवनिर्वाचित सभापति गगन थापालाई मान्यता दिइने सम्भावना रहेको बुझिएको छ ।
निर्वाचन आयोगमा नेपाली कांग्रेस शेरबहादुर देउवा पक्ष र हालै विशेष महाधिवेशनबाट निर्वाचित गगन थापाको समूहले आधिकारिकता सम्बन्धी दाबी गरेका छन् ।
सो दाबीमाथिको आजै भएको दुवै तर्फको बहस र पैरवीपछि निर्वाचन अयोगले आजै निर्णय सुनाउने तयारी गरेको हो । आयोग स्रोतका अनुसार गगन समूहको पक्ष बलियो देखिएको छ ।
देउवा पक्षले आजै मात्र आयोगमा पुगेर आफ्ना तर्फको दाबी पेश गर्नुका साथै पहिला विशेष महाधिवेशनका पक्षमा हस्ताक्षर गरेका भनिएका ५४ प्रतिशत महाधिवेशन प्रतिनिधिमध्ये ८८७ जनाले आफ्नो हस्ताक्षर फिर्ता लिएको जनाएको थियो ।
तर, त्यो सत्य नभएको दाबी गगन समूहले गरेको थियो । निर्वाचन आयोगले आजै दुवै तर्फका अधिवक्ताको तर्क सुनेकाे थियाे ।
