काठमाडौं । नेपाली कांग्रेसको आधिकारिकता नवनिर्वाचित सभापति गगन थापालाई दिइएको छ ।
निर्वाचन आयोगमा नेपाली कांग्रेस शेरबहादुर देउवा पक्ष र हालै विशेष महाधिवेशनबाट निर्वाचित गगन थापाको समूहले आधिकारिकता सम्बन्धी दाबी गरेका थिए ।
आयोग स्रोतले न्यूजपोलारलाई दिएको जानकारी अनुसार तीन आयुक्त मध्ये दुई आयुक्त बिशेष महाधिबेशनबाट निर्वाचित पक्षलाई बैधानिकता दिनु पर्ने पक्षमा रहेको र एक आयुक्त शेरबहादुर देउवा सभापति रहेको सस्थापन पक्षलाई मान्यता दिनु पर्ने पक्षमा रहेका थिए ।
सो दाबीमाथिको आजै भएको दुवै तर्फको बहस र पैरवीपछि निर्वाचन अयोगले गगन समूहलाई मान्यता दिने निर्णय सुनाएको हो ।
देउवा पक्षले आजै मात्र आयोगमा पुगेर आफ्ना तर्फको दाबी पेश गर्नुका साथै पहिला विशेष महाधिवेशनका पक्षमा हस्ताक्षर गरेका भनिएका ५४ प्रतिशत महाधिवेशन प्रतिनिधिमध्ये ८८७ जनाले आफ्नो हस्ताक्षर फिर्ता लिएको जनाएको थियो ।
तर, त्यो सत्य नभएको दाबी गगन समूहले गरेको थियो । निर्वाचन आयोगले आजै दुवै तर्फका अधिवक्ताको तर्क सुनेर आजै गगन समूहलाई मान्यता दिइएको निर्णय सुनाएको हो ।
