काठमाडौं । नेपाल कम्युनिस्ट पार्टी (नेकपा) बैठकमा अबदेखि नेताहरुको फोटो नराखिने भएको छ । जारी केन्द्रीय समिति बैठकको अध्यक्षद्वय केपी शर्मा ओली र पुष्पकमल दाहाल प्रचण्डको फोटो राखेको भन्दै चर्को विरोध भएपछि यस्तो निर्णय गरिएको हो ।
आइतबार केन्द्रीय समिति बैठकको समापन समारोहलाई सम्बोधन गर्दै अबदेखि बस्ने नेकपाका बैठकमा नेताहरुको फोटो नराख्ने जानकारी अध्यक्ष पुष्पकमल दाहाल ‘प्रचण्ड’ दिएका हुन् । त्यस्तै उनले बैठकमा मार्क्स, एंगेल्स र लेनिनको भनाइ ‘कोट’ का रुपमा राखिने पनि बैठकमा जानकारी दिए ।
यसअघि नेताहरु राजेन्द्र राई, जगन्नाथ खतिवडा लगायतले बैठकमा नेताहरुको फोटो राखेर राजावादी शैली देखाएको भन्दै आपत्ति जनाएका थिए ।
