काठमाडौं । नेपाली कांग्रेस संस्थापन पक्ष निर्वाचन आयोग गएको छ।
पार्टीका शीर्ष नेताहरू कार्यकर्तासहित आयोग पुगेका हुन्। आयोगसमक्ष पार्टीको पछिल्लो अवस्था जानकारी गराइने तथा विशेष महाधिवेशन आव्हान नगरिएको र गगन–विश्वको नेतृत्वमा बनाइएको कार्यसमिति अवैध रहेको विषय औपचारिक रूपमा राखिने बताइएको छ।
यसअघि हिजो गगन नेतृत्वको कार्यसमितिले अद्यावधिक विवरणसहित टिकटबाट शेरबहादुर देउवाको नाम हटाउने प्रस्ताव गर्दै निर्वाचन आयोगमा निवेदन दर्ता गराइसकेको छ।
यसैबीच, आजै दिउँसो २ बजे पूर्णबहादुर खड्काले पत्रकार सम्मेलन आयोजना गर्ने कार्यक्रम छ।
गगन–विश्व समूहले गठन गरेको कार्यसमिति वैधानिक नभएको दाबी गर्दै संस्थापन पक्षले आयोगमार्फत औपचारिक आपत्ति जनाउन लागेको बताइएको छ।
उक्त समूहको नेतृत्व गगन थापा र विश्वप्रकाश शर्माले गरिरहेका छन्। यसअघि पार्टी सभापति शेरबहादुर देउवाको नाम टिकटबाट हटाउने विषयले पार्टीभित्र विवाद चुलिएको थियो।
