काठमाडौं: नेपाली काँग्रेस दुई टुक्रामा विभाजन भएसँगै काँग्रेसका पुराना नेता हृदयराम थानीले आगामी प्रतिनिधिसभाका लागि उम्मेदवार नहुने घोषणा गरेका छन् । उनी यसअघि २०७९ मा प्रतिनिधिसभा सदस्य थिए ।
सामाजिक संजालमा एक पोष्ट गर्दै थानीले आफू खुट्टामा देखिएको नसा सम्बन्धी समस्याबाट ग्रस्त रहेको र चिकित्सकले समेत दौडधूप कम गर्न सल्लाह दिएकाले उम्मेदवारी फिर्ता गरेको बताएका छन् ।
आसन्न फागुन २१ गतेको चुनावका लागि थानीलाई सुर्खेत क्षेत्र नं. २ बाट उम्मेदवार बन्न सुर्खेत काँग्रेसले पार्टी केन्द्रमा सिफारिस गरिएको थियो । उनले विज्ञप्तीमा आगामी माघ ६ गतेको मनोनयनमा समेत आफू अनुपस्थित रहने बताएका छन् ।
नेपाली काँग्रेसमा आएको विभाजन लगत्तै चुनावमा के कसरी सहभागी र उम्मेदवार हुने भन्नेमा धेरै नेता कार्यकर्ता अलमलमा परेका छन् ।
